Jæja þriggja vikna dælutími búinn og þessi tími er bara eins og margt annað í lífinu að eftir því sem maður veit meira þá áttar maður sig á að maður veit minna :)

En er búinn að vera mikið inná Landsspítala og Erna hjúkrunarfulltrúi er algjör demantur í þessu, hafsjór af fróðleik og svakalega áhugasöm um að allt gangi upp, ómetanleg í eftirfylgninni.

Lenti líka á löngu spjalli við Berthu matvælafræðing, og hún er með fullt af skynsemis línum, og frábærir punktar hjá henni um hina gullnu meðalreglu, það er ekki allt bannað heldur er betra að leyfa okkur einstaka sinnum að borða það sem ekki er æskilegt. En muna samt að hollustan er aðalatriðið en einstaka sinnum getum við brotið það blað og fengið okkur annað, en samt finnst mér magnað að hugsa til þess sem hún sagði um máltíðirnar, að borða reglulega en ekki millimála, þetta er nefnilega alveg magnað, ég held við Íslendingar borðum oft fullt af sukki milli mála, svo sleppum því og ef við fáum okkur eitthvað óholt , þá gerum það á matmálstímum, og tökum annað út í staðinn :) ekki bæta því við matinn.

Þá dælan, Erna er búin að stilla af dæluna fyrir mig útfrá mínum mælingum og ég hef greinilega áður verið of oft lár á sykri,en núna eru næturnar frábærar og dagarnir góðir ef ég næ að stilla insulin matarskammtana, en það getur oft verið erfitt að finna út kolvetnið í máltíðinni sem maður borðar, eitthvað sem ég þarf að vinna betur í, en þetta system er að virka eins nálægt brisinu eins og kostur er á, og magnað að við fólkið erum með mismunandi líkama sem virkar mismunandi,

Insulin sem við sprautum okkur með virkar engan vegin eins og dælan , þar sem hægt er að aðlaga dæluna að hverjum og einum eins og brisið gerir, svo þetta er bara snilld    

Jæja þá er 10 feb til 5 mars tímabilið búið, ekki var nú síðasta vika beysin, bara nokkur hundruð grömm og 1 cm af en, hitavella hálsbólga og slappleiki hafði áhrif, lítið um hreyfingu aðeins 4 daga af tíu en samt komið 4,7 kíló og 15 cm af síðan 10 jan svo þetta kemur bara í rólegheitunum og jafnvel fyrr ef maður fer á fullt í hreyfinguna, sem er greinilega lykilatriði á hverjum degi og jafnvel tvisvar á dag. ef maður ætlar að ná sér niður með látum.

Svo smá í sambandi við hita og slappleika, það er magnað hvað það dregur úr brennslunni, því sama fæðuplan 2 sjeikar á dag og ekki borðað yfir sig í kvöldmat, þá þurfti ég að keyra insulingjöf á fljótvirka insulininu úr svona 6 einingum í 10-12  í hvert sinn og stundum bætt enn meira við á milli, svo það hægist ekkert smá á allri starfsemi. En þetta er komið í gang aftur þó hóstinn sé ekki alveg farinn svo maður prufar handboltaæfingu annað kvöld og sér hvernig það gerir sig.

Svo er ég að fara á föstudaginn á göngudeild sykursjúkra með mælingarnar  undanfarið og kynna mér dælubúnaðinn, og ef allt er í góðu þá verður maður kominn með dælu ( sem gefur sjálvirkt insulin stöðugt og svo hnappur til að þrýsta á til að gefa inn ,þegar maður borðar) um næstu mánaðarmót. Það á að gera það að verkum að maður dælir í sig eftir því sem maður borðar en ekki borðar eftir því sem maður sprautar sig eins og núna er, nema ég hef náð að borða yfirleitt það sama (sjeik) og þá með sama inulinskammt á móti , en þá er þessi hreyfingaþáttur ekki alltaf réttur svo dælan er sennilega alveg magnað dæmi, á samt eftir að kynna mér það til hlýtar.   

Já fékk í gær hringingu um að nú sé komið að insulindælubúnaði, þarf reyndar að skrá nákvæmlega á blað allar mælingar í viku,og mælingar á milli mála ,einum og hálfum tíma eftir mat, og kaffileitið, svo nóg að gera í blóðdropatöku :) en þetta þarf til að stilla sjálvirku insulin þörfina skilst mér, bara gott mál. Er búinn að vera flottur í sykrinum undanfarið, varð reyndar mjög lár í dag (0.9) um 4 leitið eftir að ég kom frá Baldey, frábærum Cronica tíma, en sennilega hefur brennslan farið vel af stað í lauginni, hef soldið verið að leggja áherslu á að auka brennsluna, fékk mér bara próteinbar og sætt kakó til að ná sykrinum upp aftur.

Ég man ekki nákvæmlega hvenær það breyttist en ég var í bulli (eins og þræl fullur)ef ég fór niður í 2 í sykrinum en núna virðist ég geta farið niður úr öllu valdi án þess að verða syngjandi fullur, hef verið að pæla í þessu og held þetta hafi breyst eftir að ég byrjaði að fá mér  Nite Works.(Herbalife) ég er búinn að borða það á hverju kvöldi núna í yfir eitt ár og veit þetta hefur þau áhrif að æðarnar verða mýkri og teygjanlegri, svo blóðið flæðir betur, það hefur sennilega líka þessi áhrif að ég þoli betur lækkun á sykurgildinu í blóðinu. Sind og skömm að þessi vara sé ekki komin í sölu hjá okkur dreifingaraðilum á Íslandi, maður þarf að taka þetta með sér frá hinum norðulöndunum eða UK þegar maður skreppur þangað, en þessi vara er að megninu til hugsuð fyrir fullorðið fólk, en það er víst mjög algengt að dauðsföll hjá öldruðum séu um 4-5 leitið á nóttuni þegar hjartað slær mjög hægt, þá er betra að æðakerfið sé í lagi og betur teygjanlegt, og við sykursjúklingar erum ekki með bestu æðarnar svo þessi vara er eins og himnasending fyrir mig, fyrir utan það að bakverkirnir minnkuðu helling við betra blóðflæði í vöðvunum, og með cronica er bakið bara mjög þokkalegt.