Frábær leikur hjá strákunum

Já eftir nokkrar mínutur í vandræðum small allt saman og Snorri Steinn brilleraði, greinilegt að það var það sem vantaði uppá sjálfstraustið og liðssamleikinn, gefur tóninn fyrir spánverjaleikinn.

En minn dagur , flottur morgunn 5.0 í sykri sprautað 5 ein , hefði mátt vera 6 , því ég var 9 í hádeginu, líka í ljósi þess að penninn var á lokakaflanum, sem þíðir að virknin er orðin minni. en farið í Cranio í skálatúnslauginni hjá Baldey , frábær tími, var draghalltur í gær, skildi ekki hvernig ég náði rútínu á brettinu þá  og lítið betri í morgun, en var allt annar eftir cranioið og orðinn góður í löppinni um hádegið svo orkusviðið hefur aldeilis virkað, maður er orðinn háður því að fara í þessa tíma :) bara nauðsynleg næring fyrir innri líffærin og slökun,  en ok dagurinn svo bara fínn kom heim kl 18,30 beint á brettið fyrir leik, borðað létt hrökkbrauð og skyr, er algjör skyrsjúklingur he he, enginn heima svo ekkert eldað, horfði á boltann og svo byrjaði liðið að tínast heim, stór fjölskylda en allir í einhverju, ökuskóla, leiklist og vinnu. Gott kvöld og jafnvægi og svo mæling í fyrramálið, spenntur fyrir því.     

Sama staða

Ok 9.4 í morgun sparutað 6 ein+10 langvirkt  borðað sjeik og unnið fram að hádegi, var þá 10.4 greinilegt að insulinið er ekki að komast í kerfið, einhver stífla í fitulaginu, sprautaði 8 ein og var samt 8 þegar ég kom heim, fór þá á brettið og datt niður i 3, svo þetta er lika spurning um brennsluna (hreyfinguna) hefði sennilega verið best að fara á brettið á morgnana ef maður bæði nennti og hefði tök á því, en ok sprautað 6 ein i kvöldmat, áttaði mmig svo á að það var of lítið, því ég var 9.4 kl 22.30 og bætti þá 3 við +langvirkt 10 ein, reyndar borðaði soldið meir en venjulega í kvöldmatnum.  

Maður er kanski of æstur í að koma insulininu niður, ætti kanski að bæta 1 til 2 einingum við, fyrst  um sinn til að koma jafnvægi á. Pæli í því á morgun, sé aðeins til. maður verður stundum að vera eins og íþróttaþjálfari og standa við planið, þó það séu erfiðir kaflar að glíma við.En verður forvitnilegt á fimmtudaginn að sjá hvort fleiri sentimetrar eru samt farnir. 

Þetta er að koma

Ok,sykurinn 9 í morgun of hár ennþá en samt betra en undanfarið, þetta er bara fjandanum erfiðara að eiga við, eins og ég hef skrifað áður þá er þetta erfiðara þegar lítið magn af insulini er notað, en það er samt betra til að ná sér niður í þyngd og ummáli, samt ekki gott að þurfa ýmist að vera bæta á sig þrúgusykri eða insulini til að ná jafnvægi, en líka er líkaminn að ná jafnvægi svo smá þolinmæði í eina til tvær vikur í viðbót og maður verður kominn í góða rútínu, hreyfing á hverjum degi og hentar mér vel fyrir kvöldmatinn. En sjeik í morgun smá próteindrykkur í miðmorgun og var svo 7 í sykri um hádegið,sprautað 5 ein og aftur borðað sjeik, svo próteinbar um kl 3 og farið svo á brettið kl 19.30 borðað wok rétt með kjulla eftir það , var 2.8 í sykri eftir brettið, sparutað 6 ein og svo borðað próeinbar kl 21, langtíma sprautun kl 22, sykur mæling 4  og þá sprautað 10 ein langvirkt, veit próteinbarið tekur meiri tima en klukkutíma að brotna niður svo ég á eftir að hækka í sykri seinna í kvöld, en vonandi mátulega.

Það gerir mér gott að skrifa um þetta, pæling og melting yfir þessu á kvöldin hjálpar,og gott að skoða dagana á undan og bera saman, eitthvað sem ég hef bara ekki gert áður, en er jafnframt áhugavert því það er áskorun að koma sykrinum í óaðfinnanlega stjórnun. 

Misjafn dagur bæði í sykurstjórnun og hjá strákunum okkar

Já morguninn 14.4 alltof hár reyndar er ekki að fatta það, en er allavega aftur kominn í 10 ein langvirkt, sjá hvort það breyti málinu, sprautaði 10 ein og borðaði sjeik, en það dugði ekki til var 10.8 í hádeginu, og annar sjeik borðaður cappuccino núna, sprautað 12 ein var þreittur á að vera of hár, leið ílla en að sjálfsögðu gerði það að verkum að þegar ég var búinn að fara á brettið yfir handboltanum þá var ég komin niður í 1.8 svo þá þrúgusykur og fullt af honum, var kominn í 3.8 undir kvöldmat, borðað kjúklingabita og salat, sprautað 6 ein. Svo um kl 22 var ég 3.2 borðað eitt próteinbar og sprautað 10 ein langvirkt.Þetta er bara spurning um að finna hinn gullna meðalveg í ballance en næturstjórunin hefur alltaf verið erfiðust.

Shit hvað við steinlágum fyrir frökkunum , vantar allt sjálfstraust í strákana, þeir geta betur en þetta, en voru samt betri en á móti svíum, hef ekki séð jafn lélegan leik og þann.

Sætir sigrar, tvíbura eldamenskan og kennaraumræða.

Já mega leikir í dag byrjað á ensku, Reading v Man Utd, og að sjálfsögðu voru það stjörnustrákarnir Ronaldo og Rooney sem kláruðu dæmið enda þeir bestu í heiminum í dag.

Ég á 16 ára tvíbura sem fengu þann sess að sjá um kvöldmatinn, frúin að vinna og við bara 3 heima en valkosturinn var að sjá um að gera salatbar,elda kjúklingabita eða ef það gekk ekki ,þá elda hamborgara, ótrúlegt hvað þeir eru endalaust vinsælir, en það gekk vel og í kvöldmatnum var rætt skólamál þau eru í sinn hvorum framhaldsskólanum, og þá kemur oft umræðan um kennslu, kennara og árangur,maður er reyndar alltaf að reyna fá þau til að sjá það jákvæða og tilganginn, en í kvöld var farið í kennaramálin og annað þeirra var að ræða kennara sem bjó til verkefni í sambandi við fagið, þau voru 3 eða 4 saman í verkefni, að lýsa innihaldi eða hvað eitt og annað gerir, skiptir ekki öllu máli, hægt að yfirfæra á allt, en það sem skiptir máli var að það myndaðist umræða um nám sem skilaði árangri,þeta varð að samkeppni sem þau vildu öll vinna, vita sem mest :)  þetta var að mér skilst 26 ára kennari sem var að gera krakkana virka í umræðu og náði til þeirrra, með fag sem flestir eiga erfitt með að koma í kollinn á þeim, gaman þegar kennurum tekst vel upp og fá sennilega ekki hrós fyrir. Ég veit ekkert um launamál þeirra en kennari er ekki sama og kennari, hvernig væri að skólar fengju soldið launafrelsi byggt á árangri og vinnubrögðum, mælt af einhverjum óháðum (hóp) sem færi í skólana og tæki út hvern og einn kennara? Árangur og metnaður á allsstaðar við.

En með daginn og sykursýkina, var 12.2 í morgun alltof hár, vanmetin staðan í gærkvöldi, en sprautaði 8ein og borðaði sjeik, svo um hádegið aftur of hár 12.6 tölvuvinnsla ekki neitt element í  brennslu og þá aftur sprautað 8 ein borðað næstum heila bláberjaskyrdollu 500gramma og svo haldið' áfram  að vinna í hugbúnaði fram eftir degi, horft svo á boltann og frábært að geta farið á brettið á meðan, mældi mig 5.5 fyrir bretti kl 5 og svo aftur kl 7 þá 2.8 , þá borðað blessaðann borgarann og salat :)  en honum lyft aðeins upp með rauðvíni, :) sprautað 8 ein og slappað svo af horft á tv og  spjall við krakkana, er núna kl 21,50 að klára langtímasprautudæmið og mælingu sem er 7.0 og gott veganesti fyrir kvöldið og nóttina ,svo það er bara langvirkt insulin núna, ekkert fljótvirkt, sem betur fer , því insulin er líka fitandi.

Bara fyrir ykkur sem ekki vitið , þá er sykursýki þannig að við sem erum að sprauta okkur erum í þeirri stöðu að við sprautum okkur insulíni sem í flestum tilfellum er unnið úr svínum, og insuluin er fitandi, svo meira insulin meiri matur og meiri fita, Og í viðbót þá er erfiðara fyrir insulinið að fara í gegnum meira fitulag, svo ef maður fitnar þá  meira   insulin og ef meira insulin þá meiri fita, Snjóbolti sem vex og vex. 

Meinloka og kæruleysi

Já ótrúlegt að fatta ekki í gær að ég hef pottþétt verið með of gamla nál, insulinið ekki skilað sér svo ég var of hár allan daginn.Maður á nú að hafa vit á að skipta um nál allavega daglega, en með daginn í dag, 3.8 í morgun sprautað 8 langvirkt og 4 ffljótvirkt, var svo á námskeiði  sem fór framyfir hádegi og ég ekki með sprautubúnaðinn,borðaði smá quisnos sem var á boðstólnum, sparautaði mig svo 8 ein  þegar ég var kominn inná verkstæði svo ekki mælt,enda var ég náttúrulega of hár eftir að borða og ekki sprauta, en var svo undir kvöldmat 3.6, sparutað 8 ein og borðað burger grillaðann með mikið af salati, farið á brettið um tíu og bara góður, mæling kl 23 3.2 borðað smá þrúgusykur.

Niðurstaða eftir fyrstu viku

Jæja þá er fyrsta vikan búin, og mælt í morgun, -3cm af mitti ,-1 cm af mjöðmum og -1 af læri,samtals -5cm + hreyfing alla daga,bara flott mál, einfalt og auðvelt ef maður er búinn að setja sér markmið og stilla sig á það.

Morguninn byrjaði eins og venjulega með sjeik, var rúmleg 7 í morgun,sprautaði 5 ein, svo aftur sjeik í hádeginu en var 9.2, er ekki alveg viss af hverju, sennilega insulinið bara ekki farið almennilega gegnum fitulagið,sprautaði mig þá 6 ein ,var svo á fundi síðdgis og borðað um 4leitið tvær litlar hafrakex og var 7.8 undir kvöldmat, borðaði skyr og smá kjöt og kartöflur, sennilega of mikið því ég fór á handboltaæfingu eftir að hafa horft á hörmulegan landsleik, og eftir æfingu var ég 13.1, svo það var sprautað 8 ein langvirkt og 3 humalog fljótvirkt,vona það dugi.Það má ekki mikið útaf bera þegar maður er að sprauta sig svona litlu magni og borða ekkki fleiri kaloríur en 1200 til 1500, yfir daginn 

 

Cranio er málið

Já fór í morgun í cranio´, höfuðbeina og spjaldhryggjameðferð hjá Baldey Pétursdóttur, og einn besti tíminn sem ég hef farið í, kom alveg endurnærður úr lauginni, það er alveg makalaust að ég fór fyrst í þetta til að láta reyna á hvort ég yrði betri í bakinu, lenti í árekstri 2005 og hafði ekki náð mér , en hjá Baldey hefur mér tekist að verða miklu betri í bakinu og í bónus losnaði ég algjörlega við stress sem ég hélt líka að ég væri ekki með :) áttaði mig bara á því þegar mér fór að líða betur, bara varð algjörlega nýr maður, ráðlegg öllum að prufa nokkra svona tíma, sérstaklega þá sem eru í stress störfum, og held að ríkið gæti heldur betur sparað kostnað ef allir sem lentu í slysum væri hjálpað í svona meðferð,það fattar það enginn nema að prufa hvað þetta gerir fyrir mann, er það ekki þess virði að hjálpa fólki til að líða, það skilar sér í minna þunglyndi og færri lyfjum eins og gott mataræði. Held líka að þessi meðferð myndi getað  hjálpað fullt af fólki að yfirfara  innri líffæri, en er ekki obbinn af dauðsföllum í heiminum af líffærum sem klikka eða gefast upp, og ein aðal ástæðan er lélegt mataræði.   

En þá að sykrinum, var 5.2 i morgun flott mál sprautaði 4 ein og varð 3.8 í hádeginu, bara flott, sjeik í hádegi líka og próteinbar um 3leitið en 4 einingar í hádeginu var full lítið því ég var 9 kl 7, hefði mátt hafa það 5 í hádeginu, munar miklu um hverja ein ef maður er að sprauta sig svona fáar einingar, fór á brettið fyrir matinn og sprautaði svo 8 ein sem var of mikið því ég fór niður í low á mælinum kl 22 varð áður var við að ég var orðinn mjög lágur, en of sljór til að gera eitthvað fyrr en ég loksins áttaði mig á því að fá mér þrúgusykur og próteinbar, sprautaði svo átta ein langtimainsulin fyrir nóttina. 

Má borða herbasjeik ef maður er með sykursýki?

Ég get nú ekki orða bundist, það hringdi í mig herba kollegi í kvöld útaf konu sem er með sykursýki eins og ég og spurði mig hvað hún ætti að segja, og þetta er ekki í fyrsta skipti sem ég er spurður að þessu bæði af  fólki með sykursýki og öðrum dreifingaraðilum, HVORT það megi borða herbasjeik. Ég spyr nú fólk yfirleitt hvað það sé að borða general og hvort fólk hafi borðað skyndimat, pylsur pizzur, hamborgara með frönskum og svoleiðis, já það er yfirleitt vandinn, því þau eins og ég höfðu fitnað td af svona mataræði, Bara svona fyrir þá sem ekki þekkja ,þá þarf ég að sprauta mig svona fjórföldum insulinskamti ef ég borða pizzu, sem segir bara um kolvetnismassann, enda hveitilím inná skrokkinn, það finnst öllum eðlilegt að borða svoleiðis en þegar er komið í þennan holla mat eins og herbasjeikana þá allt í einu fær fólk vangaveltur, er það óhætt? Ótrúlegt, Ástráður læknir kenndi mér á sínum tíma að við aðlögum insulininu og mataræðinu saman, ef maður er of lár tvisvar í röð þá minnkar maður insulinskammtinn um tvær einingar og svo fr. Og hvað er þá betra til að ná stjórnun en að borða ALLTAF sama kolvetnismagnið, eins og í sjeikunum, ég veit allavega að þetta er besta jafnvægi sem ég hef , ef ég geri allt rétt, og mér líður betur en nokkurntíma af svona næringarsjeik.Ég hef lika lent í að það sé sagt að það þurfi meira insulin á morgnana og allavega í einu tilviki var aðili nánast ekki að borða neitt fyrr en um hádegi,WHAT að sjálfsögðu þarf meira insulin á móti mat en ef maður borðar ekkert.    

Maður fer ekki á hlaupabrettið fljótlega eftir mat.

Já morguninn 8.8  of mikið sennilega lækkað of mikið í nótt og líkaminn gefið of mikið kolvetni í blóðrásina ,en svitnaði samt ekki,svo hef allavega ekki lækkað mikið, en sprautaði mig 6 ein með nýjum penna svo það er greinilega minur á milli síðasta insulins og fyrsta í pennunum, sem ég vissi reyndar.Ég var kominn niður í 3.6 í hádeginu borðað aftur sjeik þá og sprautað 5 ein sem var lika of mikið því ég borðaði 2 próteinbör um 2 og 4 til að halda sykrinum í jafnvægi, var samt 3.2 um kvöldmatinn og gerði mistök að borða ekki þrúgusykur og fara á brettið ,borðaði bláberja skyr og fór ekki á brettið fyrr en hálf átta, og það er ekki sniðugt að fara svona snemma eftir mat á brettið :)    sprautaði mig fyrir kvöldmatinn of mikið 8 ein , of mikið bara á móti skyri, en borðaði lika eftir hálftíma göngu eitt próteinbar, var samt 1.8 kl 22 svo það var borðað 4 mola af þrúgusykri og 3 mandarínur,og minnkaði levemir insulinið langvirka um 2 ein niður í 8 ein fyrir nóttina og geri það lika á morgun fyrir daginn. Á eftir að minnka lika fljótvirka á morgun, ekki gott að vera of lágur.og ég greinilega farinn að þurfa minna.